Jølster gjev deg kvite fjell

Mjuk og urørd svøyper snøen seg kring fjelltoppane våre. Steinegga, Tindefjellet og Snønipa. Orkja, Kyrkja og Kupa. All slags namn, all slags fjell. Fleire enn vi kan telje, for èin ting er sikkert: Jølster gjev deg fjell!

Med tallause toppar er bygda under Jostedalsbreen verkeleg eit mekka for den som vil utforske fjella med ski på føtene. Her finn du garantert ei urørt fjellside. Nokre av toppane er lette å ta seg fram til. Fleire topptur-parkeringar tek deg raskt til god snø. Har du fått smaken på større utfordringar har vi ein invitasjon til deg: Italia har sitt Marcialonga. Jølster har Sunnfjord-ruta! Sju toppar, fem lange nedkøyringar, fire bre-platå, tre overnattingar. Turen er tilrettelagt med guide, overnatting, servering og sauna. I 2024 arrangerte vi 3 turar og det blir satt opp fleire i 2025.

For meir info, filmar og tips til toppturar sjå Skifantomet.